اكىمدىكتىڭ جولاۋشىلار كولىگى جانە اۆتوموبيل جولدارى باسقارماسى جاريالاعان كونكۋرسقا سايكەس, قۇرىلىس جۇمىستارى ۇشۋ-قونۋ جولاعىن قايتا سالۋدى, جاڭا يۆپپ-2 مەن رۋلەجدىك جولاقتاردى تۇرعىزۋدى قامتيدى. بۇل – ايماق اۋەجايىنىڭ وتكىزۋ قابىلەتىن ارتتىرىپ, حالىقارالىق ستاندارتتارعا ساي قىزمەت كورسەتۋگە جول اشاتىن ماڭىزدى قادام.
«شىمكەنت – ەلىمىزدىڭ ءۇشىنشى مەگاپوليسى. مۇنداعى اۋە قاتىناسىنىڭ ساپاسى مەن قاۋىپسىزدىگىن ارتتىرۋ – تەك قالا ءۇشىن ەمەس, تۇتاس ءوڭىردىڭ دامۋى ءۇشىن ستراتەگيالىق ماڭىزعا يە», دەلىنگەن جوبا سيپاتتاماسىندا.
بايقاۋعا وتىنىمدەردى قابىلداۋ باستالىپ, 15 قىركۇيەككە دەيىن جالعاسادى. مامانداردىڭ ايتۋىنشا, رەكونسترۋكتسيا اياقتالعان سوڭ شىمكەنت اۋەجايى جولاۋشىلار اعىنىن بىرنەشە ەسە ۇلعايتىپ, جاڭا باعىتتاردى يگەرۋگە مۇمكىندىك بەرەدى.
